POR e Forsa Nobo a ranca sali cu un tremendo BBQ

Awe for di trempan riba caminda di Pavia na Paradera por a mira un cantidad grandi di auto y hendenan yegando e Centro di POR pa gosa den famia di un tremendo BBQ organisa pa e team di Otmar Oduber.

 

Loke ta resalta den e plataforma politico nobo ta e union di su miembronan y candidatonan unda tur ta sostene y apoya otro continuamente y esaki ta keda demostra na tur momento, incluyendo awe.

 

A pesar cu e BBQ tabata cuminsa 11’or di mainta for di trempan caba hendenan a cuminsa yega pa pasa un dushi dia den famia, unda a percura no solamente pa un bar y cushina bon surti, pero tambe actividadnan pa e muchanan y bon ambiente musical.

 

Cientos di auto a pasa pa busca nan sticker di POR E Forsa Nobo y tambe di Otmar Oduber.

E actividad aki a demostra cu en berdad POR ta un forsa politico grandi na Aruba, un forsa cu ta traha hunto y den union, pasobra esey ta e manera di logra e cosnan grandi cu nan kier pa Aruba y henter comunidad.

 

Otmar Oduber y henter e team di POR ta gradici tur esnan cu a colabra pa haci di e BBQ un exito total y tambe na tur esnan cu a mustra nan sosten na E Forsa Nobo.

 

Top