POR kier goberna den tempo di crisis

Durante e rueda di prensa di Partido POR, e Plataforma Forza Nobo, Andin Bikker a comenta tocante e raport preliminar di IMF y e jaarrekening di Raad Van Advies.

Tur dos instancia ta expresa cierto preocupacion.

IMF ta constata cu Aruba ta bayendo na 85% di nos producto nacional bruto, na debe. IMF tabata recomenda caba, pa un economia manera esun di Aruba no sobrepasa 45 pa 50% den referencia cu e DGP.

 

Andin Bikker a splica cu nos ta den un spiral sumamente serio y preocupante cu un servicio di debe.

“Esaki kiermen cu actualmente a calcula, y RvA ta bisa esaki tambe cu pa 2019 nos lo ta pagando 230 miyon na interes so, cual suma no ta drenta den nos economia, pero nos ta paga interes riba interes.

POR ta haya esaki preocupante ya cu na final di dia, nos a hereda un pais den un situacion hopi, hopi precario.

 

Andin Bikker a bisa cu POR kier goberna den tempo di crisis pa motibo cu ora cos ta bon tur hende kier goberna.

Kico ta bay t’e solucionnan cu nos kier trece pa loke ta trata e debe astronomico aki cu nos ta bay hereda den gobernacion?

Nos a premira caba cu mescos cu Madre Patria Hulanda, a recupera su mes desde 2011 y aworaki nan a caba di sera nan presupuesto cu un surplus di 3 biyon euro, nos lo bin cu un ley di recuperacion di crisis” segun Andin Bikker.

 

Manera IMF a recomenda, den su diferente raportnan y nan ultimo raport preliminar mester reduci e obstaculonan p’e clima di inversion mehora.

Loke ta pasando ta cu den nos sistema cu Aruba a hereda di Hulanda ta cu tin diferente obstaculo cu un posible inversionista ta haya, cu ta pone cu si bo cu kier inverti na Aruba, of bo kier saca bo placa for di banco hinke den nos economia, tin yen di obstaculo cu ta stroba of demotiva bo pa haci’e y ta netamente e ley di recuperacion di crisis cu POR lo bin cune ta bay elimina esakinan.

Top