POR ta cuminsa cu su ronda di consulta

Otmar Oduber a anuncia cu diahuebs awor, POR lo cuminsa cu e proceso, caminda 47 stakeholders lo topa cu nan na oficina di ATIA.

Den un forma masha habri, unda como e prome plataforma politico lo no bay sinta den un kamber, pero lo kier tende di cada uno di nan kico nan ta kere mester pa Aruba.

 

Segun Otmar Oduber, e asercamento ta diferente, unda lo cuminsa di abao bin ariba pa crea un programa cu tin sosten di pueblo.

Esey nifica cu e stakeholdernan aki por midi despues e aspectonan cu nan  a trece ta bin tambe den e programa cu POR lo sa di prepara, cu ta formulanan cu completamente diferente di un politica cu Aruba kier.

No solamente nos ta papia diferente, pero haci diferente, segun Otmar Oduber.

 

Pa loke t’e combersacion cu drs. Marisol Lopez Tromp, no tin un decision ainda, pero proximente lo tin un otro encuentro y ohala e tuma e decision pa forma parti di e plataforma nobo aki, segun Otmar Oduber.

Pero drs. Marisol Lopez Tromp no t’e unico candidato cu POR ta negociando cu nan. Tin mas cu proximamente lo bira conoci.

Top