Premio Cultural Playa Pabao otorga na Felix R. “Chucho” Hoek

Su nomber mes ta Felix pero poco ta esnan cu conoc’e bou di e nomber ey. Tur hende conoc’e como Chucho. Pero di unda e nomber Chucho a bin? Chucho Bellanez tabata un artista di e tempo y como cu Chucho Hoek e tempo ey caba (apenas 4 aña) tabata sinti su mes como un artista a pidi tur hende pa yam’el e Chucho y asina e nomber a pega.

 

Chucho a nace na Madiki y ta e yiu di yong di Carmen y Teofilo Hoek. Den Madiki Chucho a lanta y semper a biba bon cu bisiñanan. Chicho ta corda famianan manera famia Lugo, Todd y van Kleef. Chucho ta lamenta cu Playa Pabao no ta produciendo musiconan manera otro districto pero e ta kiere cu motibo ta cu nan falta un “push”. Chucho tambe ta e compositor di e himno di Playa Pabao. Durante e celebracion di 18 di maart na Centro di Bario Playa Pabao, Chucho lo ricibi su reconocemento.

Top