Presentacion di cachonan di Douane na Boneiro

 

KRALENDIJK – Riba diahuebs 20 di april durante di un encuentro festivo riba pier, Douane/Belastingdienst CN a presenta e cachonan di Douane. Caprice, Silke, Jacky y Destiny hunto cu nan conductor a demostra nan abilidadnan.

Jacky ta e prome cacho cu ta specialisa pa listra coral, kalko y turtuga. Cachonan di Douane ta un di e instrumentonan cu Douane ta uza pa bienestar y siguridad di nos sociedad.

 

Directora Nichalin Martina di Belastingsdienst CN a bisa: “Boneiro ta un isla precioso y nos kier pa den futuro tur hende por sigui gosa di nos naturalesa bunita, cu e cacho cu por detecta flora y fauna aki, nos kier contribui na e proteccion di naturalesa di Boneiro”.

E cachonan di listra no ta solamente disponibel pa Douane, pero tambe pa partnernan manera Polis, Guardacosta y e Instituto Hudicial.

Top