Presidente di Arubox, sr. Marco Dupersoy lo atende congreso di Confederacion American di Boxeo, AMBC na Mexico City, Mexico

Den su calidad como miembro ehecutivo di Confederacion di Boxeo di AMBC, Presidente di Arubox, sr. Marco Dupersoy lo atende un congreso importante na Ciudad de Mexico e dia 21 di maart.

Mester bisa cu durante e congreso aki diferente topico importante lo wordo discuti. Lo bay papia e.o. riba e 2017 Competition Guidelines, e qualification guidelines p’e torneonan mundial di Hamburg 2017 y Buenos Aires 2018, e calendario di competencia 2018, cursonan cu lo wordo ofreci y Year of the Caribbean 2018, cual lo mester bira e aña di Caribe.

 

E Confederacion di Boxeo ta un asociacion cu ta wordo controla y dirigi pa AIBA cu tin como obhetivo mehora, promove y propaganda e deporte di boxeo den tur forma den henter e continente America.

Ta bon pa menciona cu aña pasa e representante di Aruba, sr. Dupersoy a keda eligi como miembro di e comite ehecutivo di AMBC pa un periodo di tres aña, esaki pa prome biaha den historia.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di Presidente di Arubox, sr. Marco Dupersoy kende lo atende un congreso importante di AMBC na Ciudad de Mexico.

 

 

Leave a Reply

Top