Presidente di Parlamento cu aprecio pa bishita di delegacion di Corsou y St. Maarten

Presidente di Parlamento, drs. Mervin Wyatt-Ras a keda contento cu bishita di e delegacion di Corsou, presidi pa Presidente di Parlamento sr. Gilmar Pisas hunto cu sr. Amerigo Thode (Secretario di Presidente) y sr. Gioke Maduro (Asistente Huridico di Griffie).

Esaki en coneccion cu celebracionnan rond di nos Himno y Bandera.

 

E delegacion di St. Maarten cu tambe a asisti a consisti di mr. Samuel, Rodolphe Emile, Richardson, sr. Geerlings y sr. Connor.

Por a tuma nota cu nan a haci esfuerzo pa ta presente na tur e actividadnan rond di celebracionnan importante di nos pais.

Presente tabata alabez Ministro Presidente di Corsou y Gobernadornan tanto di Corsou como St. Maarten.

 

Wyatt-Ras semper a kere den fortificacion di lazonan entre paisnan den Reino, entre otro pa medio di nos cultura y sigur ta spera cu nos por keda comparti cu otro den e temponan benidero. Durante ultimo tempo nos paisnan a bin hopi hunto en especial pa loke ta trata e geschillenregeling.

Esaki pa disminui e deficit democratico den Reino. Un biaha mas Presidente di Parlamento ta gradici coleganan Parlamentario di e paisnan den Reino cu a companja nos den celebracionnan.

 

Tambe Telecorsou cu a haci varios entrevista cu nos pueblo y Parlamentarionan y transmiti nos mensahe pa nan pueblo.

Top