Presidente di Parlamento: Falta di sonido riba television no ta un boycot sino un fayo tecnico

Presidente di Parlamento ta trece padilanti cu ayera tabatin un reunion publico tocante criminalidad. E 15 Parlamentarionan cu a hiba palabra a haci diferente pregunta na Minister Dowers. A puntra alavez tocante e sitacion di Minister Croes y otro preguntanan cu tin di haber cu permiso tereno.

 

Parlamentario Bikker hunto cu MEP y Parlamentario independiente a entrega un mocion di desconfiansa contra Minister di Husticia. Dicho mocion a keda desaproba.

Wyatt-Ras ta remarca cu durante e reunion tabatin fayo tecnico y cu no tabatin zonido durante e transmision via cable. Sinembargo, publico por a sigui e reunion via di website y via Radio, legalmente segun Reglement van Orde. Un par di aña pasa reunionnan por a ser scucha solamente via radio. No por a scuch’e via television. Wyatt-Ras ta pidi disculpa pa e inconvenencia.

 

Presidente di Parlamento kier coregi alavez e critica comosifuera tin algo di sconde. Parlamento ta un organo transparente cu ta funciona cu trahadornan profesional. Ningun momento no tin ningun intencion pa cera boca di oposicion.

Wyatt-Ras ta informa cu specialista tecnico ta trahando pa soluciona e fayo aki, pero cu lo tuma tempo pa logra. Mientras tanto of lo mester transmiti cu fayo of mester keda sin reuni.

Wyatt-Ras ta spera cu Parlamentarionan no keda uza esaki contra di su persona y contra di Parlamento en general cu no tin ni parti den esaki.

Top