Presidente di Parlamento, Mervin Wyatt Ras ta felicita tur hende muher riba nos dia

Presidente di Parlamento, drs. Mervin Wyatt-Ras, ta felicita tur hende muher riba dia internacional di hende muher.

Wyatt-Ras ta trece padilanti cu sigur hende muher a logra hopi den comunidad. A cambia diferente ley pa hende muher por vota, traha y gana igual cu hende homber.

Tambe leynan pa proteha hende muher a ser aproba dor di Parlamento na diferente ocasion, cambio di nos codigo penal, cambio di ley di labor, ley di stalking y ley di zwangerschapsverlof.

 

Tambe tin pendiente e ley di centronan di cuido di mucha cu lo haci cu hende muhernan por bay traha mas trankil.

Wyatt-Ras ta trece padilanti cu encomparacion cu un of dos hende muher den politica den añanan 50-70, awor Parlamento ta conta cu 8 Parlamentario femenino di e total di 21 Parlamentario.

 

Hasta tin Presidente di Parlamento femenino y lidernan di fraccion femenino. Wyatt-Ras ta señala si cu apesar di cambionan ta necesario mas ainda.

E respet cu mester tin p’e hende muher mester sigui crece, tanto su posicion, como trabou, etc. Hende muher mester por uni mas riba topiconan comun.

Ta necesario pa keda refleha riba mas logro den bentaha di e ser femenino. Ta di importanca cu dearoyo aki ta bay man den man cu e hende homber y cu lo mester logra mas metanan, e.o. riba tereno di derecho humano. Wyatt-Ras como ser femenino ta dispuesto pa sigui lucha pa mas cambio den bienestar di e ser femenino.

 

Leave a Reply

Top