Presidente di Parlamento: Parlamento lo atende cu criminalidad dialuna

Presidente di Parlamento, Mervin Wyatt-Ras, ta anuncia cu dialuna awor den un Bijeenkomst cu Minister di Husticia mr. drs. Arthur Dowers lo atende cu criminalidad den nos pais. Esaki en bista di diferente atracto cu a tuma luga durante ultimo tempo.

 

Aña pasa den luna di september Wyatt-Ras net un dia despues cu el a ser elihi como Presidente di Parlamento a yama un “bijeenkomst relampago” pa trata cu criminalidad y despues un Reunion Publico tambe tocante dicho tema.

Ta di importancia cu nos pueblo por sinti su mes sigur. Nos ta conoci como un pais sigur y esaki lo mester keda manteni. No por ta posibel cu tin hende ta haci atracto y ta haci cu nos pueblo ta ser intimida, segun e Presidente di Parlamento.

 

Wyatt-Ras por a tuma nota cu tin diferente esfuerso a ser haci pa desminui criminalidad den nos pais, sinembargo ta haci falta di mas intervencion.

Parlamento sigur ta preocupa pa nos pais y ta spera di haya claridad encuanto e maneho y accionnan di Gobierno pa atende cu e fenomeno aki.

Top