Presidente di Parlamento ta felicita Casa Cuna cu nan 60 aña di existencia

 

Presidente di Parlamento a acudi na celebracion di 60 aña di existencia di Casa Cuna.

Wyatt-Ras kende pa 10 aña a duna servicio na Casa Cuna via di Gobierno como ortopedagogo a traha di cerca cu lidernan, diferente directora y instancianan.

 

Wyatt-Ras tabata conoci pa su trato individual di muchanan y guia di famia. Pa cu esaki e tabatin un spelkamer unda pa medio di wega y pintura y arte por a comunica cu e muchanan cu problema y asina diagnostica y trata e muchanan. Ainda e tin contacto cu varios di e muchanan cu el a guia kendenan awor adulto tin yiunan.

 

Wyatt-Ras conoce lidernan cu mas cu 30 aña y tin mas cu 40 aña di experencia cu e muchanan. Lidernan cu ta figuranan importante den bida di hopi di e muchanan.

En bista cu e desaroyo di un mucha entre 0 pa 3 aña ta crucial, Wyatt-Ras semper a mira internado como un lugar di permanencia corto pa un mucha. Guia intensivo di mayornan of famianan di criansa ta imperativo. Aki lidernan, profesionalnan riba tereno social y hudicial ta di importancia mescos cu sincronisacion entre instancianan.

 

Wyatt-Ras ta spera cu Casa Cuna por cumpli hopi aña mas di existencia pa garantisa proteccion, cuido y guia di muchanan di nos pais.

Leave a Reply

Top