Presidente di Parlamento: Ta importante pa reconoce nos baluartenan

Presidente di Parlamento, drs. Mervin Wyatt-Ras, hunto cu coleganan Parlamentario y representantenan di instancianan y entidadnan tabata presente durante inauguracion di e plaza tras di Parlamento y e edificio gubernamental “Kokolishi”.

 

Riba dicho plaza cu a haya nomber di Padu Lampe a coloca alavez un plateau di e tres valuarte cu a haci posibel cu awe nos tin un himno titula “Aruba dushi tera”.

Wyatt-Ras ta felicita famianan di nos baluartenan Lio Booi (d.f.m.), Rufo Wever (d.f.m.) y Padu Lampe cu ta na bida y ta gosa di e bunita edad di 97 aña.

 

Wyatt-Ras ta considera di importancia cu Gobierno ta reconoce nos baluartenan pa di e forma aki rindi homenahe na nos heroenan y fortifica nos identidad.

Un pais cu ta reconoce su hendenan ta fortifica su historia y ta duna un bon ehempel na e futuro generacion di con pa trata esnan cu a contribui grandemente na nos historia y nos cultura.

 

Pa cu esaki e Minister di Cultura ta responsabel y den e caso aki ta e Minister Presidente y tin cu bisa cu el a inicia cu un proceso positivo y relevante pa nos pais.

Top