Presidente di Parlamento tabatin encuentro cu sr. Tilma y representante di Groenland

Recientemente, Presidente di Parlamento, drs. Mervin Wyatt-Ras tabatin un encuentro cu sr. Tilma, representante di Aruba pa cu Union Europeo y sr. Mininnguaq Kleist, Minister Counsellor, procedente di Groenland.

E tabata na Aruba pa participacion na reunionnan di Overseas Countries and Territories (OCT). Por bisa cu Groenland cu ta pertenece na Denamarca tin caracteristicanan semehante na Aruba. Groenland ta un isla. E ta e isla di mas grandi di mundo.

 

Apesar di esey su populacion ta solamente 56,480 (2013). E tin un Parlamento consistiendo di 39 Parlamentario. Aruba ta ser considera como trendsetter pa anda cu energia renobable.

Groenland a opta pa no ta den Union Europeo pa proteha entre otro nan awanan teritorial y pesca. Ta di importancia cooperacion cu otro pais pa logra metanan importante.

Na e ocasion aki sr. Tilma a haci entrega di un documento na Wyatt-Ras titula, “White paper of the OCTA chair on Guiding Principles for a Future Partnership” di e autor prof. dr. Flora Goudappel.

Leave a Reply

Top