Presidente Isaías Medina Angarita No Tabata un Dictador, skirbi pa Clyde Harms

Lamentablemente den mi articulo tocante Luis Romero Petit mi a laga un fout cu mi kier coregi mesora.

Mi a referi na Presidente Isaías Medina Angarita como dictador. Esaki ta un fout y mi ta splica con el a sosode.

 

Den mi prome draft di e storia mi tabatin “e dictador Juan Vicente Gomez…”. Segun mi manera di traha, mi a haci un “facts check” y mi a verifica cu no ta Juan Vicente Gomez tabata Presidente e tempo ey.

Mi a cambia Juan Vicente Gomez pa Isaías Medina Angarita, pero mi no a kita e etiketa “e dictador”.

 

President Isaías Medina Angarita no tabata un dictador. Al contrario, e tabata un bon Presidente. E tabata un politico y militar cu a sirbi como Minister di Guera y Marina durante presidencia di General Eleazar Lopez Contreras (1936-1941) prome cu el a wordo eligi Presidente un poco prome cu Luis Romero Petit a participa den e afamado Serie Mundial di Baseball Amateur na Havana.

 

Un aña prome cu su termino presidencial a caba, el a wordo deroca cu un golpi di estado. Presidente Isaías Medina Angarita ta wordo considera un modernisador, introduciendo reformanan audaz cu a converti Venezuela den un republica moderno di siglo 20.

 

Mi ta disculpa p’e fout y mi ta spera cu mi lesadornan lo compronde.  clydeharms@yahoo.com

Top