Princes Beatrix a keda encanta cu e debate di hobennan na Universidad di Aruba

Diahuebs ultimo, miembronan di Parlamento Hubenil a organisa un anochi di debate, cu presencia di Princes Beatrix na Universidad di Aruba. E intencion original tabata pa organisa un debate cu hobennan di tur parti di Reino Hulandes,  pero no por a hinca un progama den otro y asina a dicidi pa laga UNA, EPI y International School prepara esaki.

 

Dos grupo a debate pa como un ora largo, riba e tema, Tourism has enriched our identity. Loke a impresiona sigur ora cu un di e hobennan a bin dilanti y bisa cu hopi a ser inverti den turismo, pero a lubida di inverti den e hobennan Arubiano.

Esaki sigur a impacta tur esnan cu tabata presente, incluso Princes Beatrix, kende a ser compaña pa Gobernador Boekhoudt y pa Minister di Enseñanza Michelle Hooyboer-Winklaar.

 

E di dos buelta di debate tabatin como topico: Introducing an environment tax will be detrimental to our economy”. Un topico di interes, y por a sinti cu ora papia di introduci un otro forma di belasting, por conclui cu tin hende no kier tende nada di esaki.

Un reaccion fuerte for di sala a bin ora cu a puntra, ki garantia tin cu Gobierno realmente lo inverti e placa for di dicho impuesto den medio ambiente.

 

Manera menciona, e debatenan a impresiona tur presente, incluso Princes Beatrix, kende despues a papia un rato cu e participantenan.

Top