Prolongacion di Paul Croes ta termina dia 15 awor, pero Ya Ministerio Publico ta planea pa pidi pa bolbe prolonga su detencion

Paul Croes su detencion ta keda interes di pueblo, si mira con ultimo dianan hasta a cuestiona cu mester denuncia Ministerio Publico na Corte di Derecho Humano, si mira e trato cu e ta hayando, e.o. cu el a ser restringui di por mira su famia, esta su yiunan y su señora.

For di su detencion, e no a haya oportunidad di mira su famia.

 

Ultimo biaha cu su detencion a ser prolonga tabata cu 30 dia mas. Esaki nifica cu dicho 30 dianan ta den expira y kico lo pasa e ora ey?

E hecho aki a pone nos di AWEMainta averigua cu Ministerio Publico e status di Paul Croes y aki nos a haya informacion cu su periodo di verlenging gevangenhouding lo termina riba 15 di November awor.

 

Pero ya caba Ministerio Publico tin planea pa pidi pa bolbe verleng esaki cu 30 dia mas. Si t’asina no t’asina cu manera ta ser bisa, cu e caso mes lo keda trata na decemeber awor.

Si Ministerio Publico tin intencion pa prolonga Paul Croes su detencion, esaki mester wordo trata prome cu 15 di november awor

 

E prolongacion aki, si e wordo aproba pa Huez, lo ta pa 30 dia mas. Conocedornan di ley ta di opinion cu su detencion lo wordo prolonga, pero na mesun momento Huez lo suspende su detencion. Pero esey, nos expertonan huridico ta kere, pero no necesariamente lo mester t’asina.

Leave a Reply

Top