Prome bishita oficial di Gobernador Boekhoudt na Aeropuerto di Aruba

 

CEO di Aruba Airport Authority N.V. (AAA) sr. James Fazio hunto cu e Management Team di AAA tabatin e honor di duna bon bini na Gobernador di Aruba sr. Alfonso Boekhoudt na Aeropuerto pa un presentacion y un recorido di e ultimo proyectonan  y reciente desaroyonan.

Gobernador Boekhoudt a ricibi  un resumen di e proyectonan reciente y tambe esnan di futuro. Tambe Gobernador a haya un un bista riba e retonan diario cu miembronan di autoridad gubernamental cu ta opera na Aeropuerto ta enfrenta, y con nan tin planea pa adapta y trece cambionan den futuro.

 

Gobernador Boekhoudt a ricibi un caluroso bon-bini di un y tur y a haya splicacion breve tocante nan contribucion n’e sistema operacional di tur dia na Aeropuerto.

Gobernador Boekhoudt a keda impresiona cu e trabao den ekipo cu a keda demostra na nos Aeropuerto entre tur e diferente departamentonan cu ta traha hunto, p’asina garantisa un prome y ultimo impresion apropia di nos bishitantenan.

 

E proyecto recientemente completa “Airport Arrival Enhancement Project” pa embeyece e sala di yegada na Aeropuerto ta un bon ehempel di un excelente trabao den ekipo y cooperacion, cu Gobernador Boekhoudt ta desea di mira den tur e futuro proyectonan na Aeropuerto.

Staff y personal di Aeropuerto a keda encanta di por a fungi como anfitrion pa Gobernador p’asina dun’e tur informacion di e reciente y futuro desaroyonan di Aeropuerto.

 

Gobernador a mustra hopi interes, den sa con tur e departamentonan di autoridad ta traha hunto, uzando lo ultimo den tecnologia na nos disposicion.

‘Ya nos ta entusiasma p’e proximo bishita di Su Excelencia sr. Alfonso Boekhoudt, como cu el a expresa di tin interes pa ricibi mas informacion riba aspectonan specifico di Aeropuerto,’ asina CEO di AAA sr. James Fazio a remarca.

 

Top