Prome Minister Eman a entrega buki parha di Aruba na Presidente Santos y Gobernador Salazar

Prome Minister Mike Eman hunto cu Greg Peterson di Aruba Bird Life Conservation y un grupo di hoben tabata na Colombia e siman aki pa dos dia, unda a participa den e prome festival internacional di parha den cuadro di celebracion 50 aña di Departamento di Risaralda.

Esaki tabata un invitacion special cu e organisadornan haci n’e organisacion local di parha y Prome Minister Mike Eman.

 

Durante su bishita n’e Departamento aki, e mandatario a topa cu Presidente Juan Manuel Santos, kende tabata encarga realisa apertura di e festival.

E mandatario n’e ocasion aki a probecha pa den nomber di Aruba haci entrega di un ehemplar di “Bird Wildlife of Aruba” n’e Presidente y mas despues un otro copia na Gobernador di Risaralda Sigifredo Salazar Osorio.

 

Prome Minister Eman a splica nan brevemente di e maneho pa cu naturalesa y conservacion di parha cu Aruba ta hibando y deseo pa logra yega na un cooperacion entre e paisnan, pero principalmente cu Departamento di Risaralda.

Top