Prome Minister Mike Eman di bishita cerca algun productor local

Semper e gana pa mira kico ta locual nos productornan local ta haci a prevalece.

Na momento cu tuma nota di tur locual a/y ta wordo haci ta simplemente imprecionante ta palabra di Prome Minister sr. Mike Eman.

Palabranan di elogio y motivacion pa sigui den e direction cu nos productonan ta bayendo cu tanto diferente cosecha cu por a wordo mira riba un bishita na diferente cunucu diasabra ultimo hunto cu un team di Deparatamento di Agricultura, Cria y Pesca Santa Rosa encabesa pa su directora sra. Nathalie Maduro.

 

E prome bishita tabta na un plantacion di Wijndruif di sr. Luis Melatti situa na Burunbundu. Aki Minister sr. Mike Eman a wordo ricibi pa sr. Melatti cu tabata masha contento cu Minister sr. Mike Eman su bishita na cunucu.

Un splicacion amplio a wordo duna y un recorido den e plantacion. Despues Prome Minister sr. Mike Eman tabatin e oportunidad di purba e biña cu a wordo produci localmente cu e cosecha di wijdruif aki.

 

E recorido a sigui pa un otro localidad cu tan a barcadera caminda tin production di Mushroom cu ta wordo haci pa “Deli Caribbean” di sr. Theo Wouters.

Un plantacion y sistemanan imprecionante ta locual nan ta haciendo y cu ta cubri 80% di e importacion di mushroom. Hopi ta e restaurant y hotelnan cu ta hacienda uzo di esaki den nan platonan.

 

Prome Minister sr. Mike eman hunto cu e team a sigui pa e bario di Moko pa ta exacto na “Pachamama” cu ta e plantcaion di Cilanto di nos amigo sr. Wilmar Aristisabal. Un plantacion hopi grandi ta locual cu nan ta haciendo di solamente Cilantro. Aki tambe Prome Minister sr. Mike Eman a haya un recorido den e plantancion pa mira kico tur ta wordo haci.

Di unda ta cuminsa cu e plantacion ta na momento cu tur produccion ta cla pa wordo entrega na e diferente supermercado rond di nos isla. U average cu a wordo duna den e splicacion di e cantidad di demanda por bisa cu esaki ta cubri solamente un 25% di e cantidad cu ta wordo pidi. Por tuma nota cu ainda e demanda pa mas ta keda existi.

 

Continuando cu e recorido di Prome Minister sr. Mike Eman nos a yega na “Cunucu Aruba Dushi Tera” di sr. David Kock. Tabata un bishita sumamente placentero caminda cu sr. David Kock mes a encarga pa duna Prome Minister sr. Mike Eman un recorido den su cunucu.

Cuminsando cu e parti di cria por a tuma nota di e cantidad di Baca, Cabrito, Porco y un “Chicken Farm” cu un candtidad substancial di galiña cu tur dia tin yebo fresco pa destribui den diferente supermercado. Nan tin nan mes un marca crea crioyamente cu ta e marca Pok Pok Pok cu ta e Webo fresco localmente produci. Nan ta produci algun otro product manera Chorriso y tambe Carni fresco.

 

Despues nos a continua pa sr. Nelson Sprok caminda cu prome minister por a tuma nota di tur locual cu ta wordo planta. Aki sr. Nelson Sprok ta planta diferente berdura manera Oregano, Spinach, Yambo, matanan di Pica, Celder y un tipo di Calbas rondo cu ta masha apart. Sr. Sprok semper hopi amabel y cordial na momento cu bo bishit’e cu ta combersa hopi ameno y splica kico tur ta su trabou den su hofi.

 

“Cunuco di Jimmy” ta caminda prome minister sr. Mike Eman a sigui cu e siguiente bishita. Sr. Jimmy Ramos ta bon conoci pa su “Pitayanan”.

Miniter Eman tabatin e oportunidad di “ploeg” un pida tera cu sr. Jimmy Ramos ta preparando pa bay planta. Despues prome minister sr. Mike Eman por a admira y plantacion di Yambo cu matanan grandi caba cu ta cla pa duna cosecha y sigui pa un splicacion amplio di su plantacion gigantesco di “Pitaya”.

Prome Minister sr. Mike Eman a haya un dushi “Pitaya” pa purba cu tabata masha refrescante.

 

E recorido a termina den e bario di Jaburibari caminda cu Prome Minister sr. Mike Eman a bay haci un bishita cerca su ruman sr, Henny Eman cu semper tambe tin algun cosecha den su cunuco. Bon conoci pa su pindanan cu tin biaha e ta planta.

E biaha aki tabatin Boonchi Cunucu cu por a wordo admira cual ya a wordo cosecha caba.

 

Riba combinacion di potretnan por mira e recoridonan cu a tuma luga diasabra ultimo di parti di Prome Minister di Aruba sr. Mike Eman cu sigur a encanta y keda hopi impreciona di tur locual ta wordo haci den e mundo di agricultura di Aruba.

Top