Prome morto den tráfico na Corsou

WILLEMSTAD – Diasabra mainta alrededor di 06.40’or, Central di Polis a dirigí diferente unidad riba Weg naar Westpunt na altura di Zegu, pa un accidente entre 3 vehículo y di cua un di nan su chofer tabata den un estado critico.

For di un investigacion preliminar realisá n’e sitio, a sali na cla cu chofer di un SUV cu tabata core riba e caminda en cuestion den direccion di Banda Bou, pa motibonan te ainda desconocí a bay core riba su man contrario y dal practicamente frontal contra un auto di famia cu tabata core riba e mesun caminda ey den direccion di e plenchi di tráfico Zegu.

 

E auto aki a bay cay cant’i caminda y e chofer a keda pega den su auto.

Cu yudansa di brandweer a saca e víctima aki, cu ya no tabata duna señal di bida mas, for di su situacion penoso.

Dòkter di Polis n’e sitio mes a constatá morto di Rodney Davis Siegmar Ogenia, naci na Còrsou dia 23 di jüli 1983 (33 aña), kende a resulta di t’e prome morto di trafico di Corsou pa 2017..

 

Debí n’e impacto fuerte aki, e SUV a zwaai y bay dal den banda robes di un otro vehículo cu tambe tabata bayendo den direccion di plenchi di tráfico na Zegu. Ambulance a transportá chofer di e SUV cu a sufri algun herida.

 

 

 

Top