Qredits ta facilita microfiansa na Aruba

ALMELO, Hulanda – Qredits a cuminsa opera na Aruba dia 1 di april 2017. For di mayan lo ta posibel pa comerciante nobo y existente pidi microfiansa te cu Afl. 50,000 via di e website  www.qredits.com.

Igualmente e oficina di Qredits a ser habri na MFA Noord. Awe diamars 4 di april pa 4or di atardi a habri e oficina nobo di Qredits hunto cu compania di Minister-President Mike Eman.

 

Awe, Elwin Groenevelt (CEO di Qredits) y Minister President Mike Eman a firma e contract p’asina Qredits cuminsa opera na Aruba.

E proposito di Qredits ta pa sostene empresarionan dor di duna un fiansa pa negoshi te cu un balor di Afl. 50,000 y tambe ofrece guia local na empresarionan den nan fase inicial.

 

Qredits su meta ta pa otorga mas o menos 100 credito cu un promedio di Afl. 30,000 durante aña 2017/2018, guia 200 empresario ora nan cuminsa cu nan compania y ofrece 250 studiante e oportunidad pa asisti un programa di educacion pa empresario “Ik word EigenBaas”.

E popular e-learning “Ondernemingsplan Schrijven”, a wordo traduci na Ingles, Spaño y Papiamento y lo wordo ofreci na empresarionan via Qredits y Kamer van Koophandel.

 

Qredits Aruba team lo consisti di dos bedrijfs adviseurs local, cu lo evalua e diferente plan di empresario y aplicacion di credito.

Oliver Vieira tin varios aña di experiencia den banco comercial local y empresanan nobo cu a wordo lanta. Oliver Vieira lo tin e posicion di Branch Manager di Qredits Aruba. Qredits lo busca un di dos bedrijfs adviseur.

 

For di awe ta posibel pa bishita e website di Qredits via qredits.com. E website ta obtenibel den 4 idioma, cu ta Hulandes, Ingles, Spaño y Papiamento.

E peticion pa credito por wordo entrega riba nos website y e documentonan necesario por wordo uploaded.

Sr. Elwin Groenevelt, CEO di Qredits: “Cu e establecimento aki na Aruba, nos ta pone e siguiente paso pa duna tur empresario den islanan di Caribe, e oportunidad pa cuminsa cu nan mesun negoshi y asina sigi crece.

Despues di Bonaire, Aruba ta un isla ideal caminda nos por mustra cu nos sistema ta exitoso”.

 

Qredits ta un fundacion (non-profit) na Hulanda cu ta yuda empresarionan funda of inverti den nan negoshi y ta ofrece credito micro te cu €50,000 y credito MKB te cu €250,000, guia personal y tools pa empresario.

Qredits a duna mas di 9,500 empresario credito, di un suma total di 190 miyon euro. Cu e suma aki, Qredits t’e organo mas grandi di credito alternativo na Hulanda.

E porcentahe cu no ta cumpli cu nan credito ta abou, paso guia y coaching ta wordo duna pa 600 coach boluntario.

Pa mas informacion di Qredits por bishita nos website www.qredits.nl.

Top