Raymond Maduro, conocido empresario, a subi lista di POR

Otmar Oduber a confirma cu el a logra di convece e conocido empresario, e persona exitoso tras di time-share na Aruba, Raymond Maduro pa subi lista di partido POR. Sigur e ta un contribucion p’e partido, siendo un veterano pa yuda trece cambio den maneho di economia di Aruba.

Ayera tambe, Otmar Oduber a anuncia 6 otro candidato, algun di nan conoci caba, manera e.o. dr. Mercedes Rivera, internista cu mas di 20 aña di experiencia.

Gregory Milliard, nos Campeon den MMA, un atleta profesional y internacional, awor dedica na nos hobennan.

 

Sr. Rolando de la Cruz, hende di tur hende, Drs. Raymond Dijkhoff, archeologico, Rin Hermans, trahador social, fuera di ta un cantante y Abil Illidge, mayor di un hoben autista, y dispuesto pa traha pa Cristianismo.

 

Despues di a ratifica e hecho, awe nochi na Fort Zoutman, lo tuma lugar firmamento di un protocol. Tur candidato lo firma un protocol legal, unda ta traspasa e derecho cu esnan cu saca mas voto, cu nan lo bira e representante di pueblo den Parlamento.

Segun Otmar Oduber no ta kere cu mester warda riba un ley, pero nan lo demostra adelanta e posibilidad pa bira Parlamentario nobo di Aruba.

Leave a Reply

Top