RCA prome clasificado playoff lo enfrenta Bubali diasabra awor

Diabierna ultimo na momento cu Riverplate, cu tabata na di 5to posicion, a cay venci, automaticamente Tricolornan di Solito a bira e prome ekipo pa clasifica pa play-off Campeonato Division Honor.

Cu 28 punto faltando 3 wega mas di campeonato regular, diasabra awor 2 di april pa 6:30 pm e Soldadnan Tricolor lo enfrenta ekipo Hulk di Bubali den Centro Deportivo Guillermo Prospero Trinidad.

Un partido sigur importante p’e orguyo berde di Noord, pero tambe pa RCA cu kier gana un bes mas e Copa Campeon Campeonato Regular.

Directiva ta invita e famia grandi pa ban apoya nos hobennan y despues pasa club pa hunto nos cuminsa crea e ambiente festivo di play-off final.

Ya caba a haci pedido pa camiseta tricolor y dentro algun siman nan lo ta obtenibel na club.

Ban apoya tur nos divisionnan ya cu RCA ta clasificando pa playoff den tur categoria y den mayoria di nan competiendo pa prome lugar.

Top