RCA ta titula Campeon di Campeonato regular 2016- 2017

Faltando ainda un wega di campeonato cu ta e “Derby di Capital” vs Riverplate, ya caba e Tricolornan di Solito a termina Campeonato como lider y lo ricibi e premio y Copa di Campeon di campeonato regular.

Den un aña unda RCA mester a draai sin mayoria di su estelarnan cu a bay studia den exterior y otronan cu a retira.

Tog e ekipo a logra gana 11 wega y un empate den 15 encuentro. Directiva kier felicita tur hungador cu a traha durisimo, e hobennan cu a demostra corage, e staf completo lidera pa Juan Valdez, kende a haya tremendo cooperacion di Joy Rosa, Veron Albertsz, Glen Sambo, Gio Thode, Icho Matos, Tyron vd Biezen y Danny Kelly.

N’e patrocinadornan Big Wheel Lottery y Powerade di Tropical Bottling masha danki y sin lubida e fanaticada cu semper tey pa apoya y anima nos ekipo.

Directiva ta avisa e fiel fanaticada cu e camisetanan Tricolor ta na caminda. Por pasa club riba diamars y puntra pa Yazmira. Nos ta na caminda p’e Triplete!!!

Top