Recordatorio: Training di pre seleccion di ASB masculino y femenino ta continua dialuna

Aruba Softball Bond kier recorda su atletanan cu training di pre seleccion masculino y femenino ta continua tur dialuna y diahuebs.

E aña aki ta un aña hopi special unda Aruba tin e oportunidad pa bay clasifica na Sto. Domingo pa purba claim un puesto den e 7 mihornan pa drenta Juegos Centro Americano y Del Caribe.

 

Juegos Centro Americano y Del Caribe ta un evento mahestoso unda ta participa mas di 5000 atleta den alrededor di 35 disciplina y pa logra drenta akiden paisnan mester busca clasificasion. Juegos Centro Americano y Del Caribe lo tuma lugar desde 20 di juli 2018 y ciudad y país cu a gana e cede ta Baranquilla Colombia.

 

Pa cu esaki deporte di Softball cu awor ta cay bou di WBSC (World Baseball Softball Confederation Americas) antes (CONCACAS) mester organisa pa tur su miembronan un clasificatorio unda selecionnan mester presenta cu hungadornan solamente cu tin paspoort di dicho pais pa determina cual ta e 7 ekiponan cu lo continua.

E clasificatorio e aña aki lo ta un solo clasificatorio unda paisnan lo clasifica imediatamente pa 3 campeonato esta Mundial Pan Americano y Centro Americano y Del Cariba.

 

Den e rango aki Aruba ta mira su mes cu oportunidad pa clasifica pa Centro Americano y Del Caribe pero pa logra esaki mester traha duro. Un total di 23 pais a inscribi.

Ambos clasificatorio lo tuma lugar na Sto Domingo. Femenino den augustus y masculino den september. Pues momento di berdad a yega pa tur atleta pone 100% di nan energía den e training nan preparatorio p’asina por logra e soño único pa clasifica e aña aki p’asina por drenta Juegos Centro Americano y Del Caribe na 2018. Éxito.

Top