Rector di Universidad di Aruba, Glen Thode: Apertura di aña academico a bay manera a spera

Meta ta pa tin e desaroyo di continuacion

 

Universidad di Aruba a tene nan di 29 edicion di apertura aña academico y tabatin hopi tension pa motibo cu e ta ceremonial, di cual tabata un momento formal.

Glen Thode, Rector di Universidad di Aruba, a splica cu nan tabatin e deseo pa cu e proceso cana na ora y bunita. A mantene e protocol academico y esunnan no academico, di cual nan ta contento cu cosnan a bay bon.

 

E meta principal pa cu e aña escolar nobo ta pa cu tin e desaroyo di continuacion pero tambe di transformacion. Esaki ta pasobra mundo completo ta pasando den un transformacion bastante fundamental, caminda cu e desaroyo riba tecnologianan nobo ta cambiando e manera cu hende ta anda cu conocemento, cu informacion y procesamento di informacion.

Esaki ta pone pa tur instituto cu ta anda cu informacion y educacion ta haya informacion, cual investigacion tambe ta informacion. Esaki ta e 2 cosnan principal cu universidad ta haci. Universidad ta haci investigacion cientifico y transforma esaki den educacion y ofrece esaki na comunidad. Universidad ta haci tur nan esfuerso pa nan ta dilanti di e ola aki y pa ta completamente prepara di por sigui ofrece comunidad di Aruba e miho oportunidadnan di desaroyo propio.

 

Haciendo un comparacion den inscripcion pa universidad, aña pasa tabatin 608 hende a inscribi pe aña academico pero e aña aki 611 persona. Esaki ta un crecemento di 3 y Glen Thode a pone enfasis riba esaki, pasobra na Corsou tin un caida grandi, mientras cu na Universidad di Aruba esaki ta stabiel ainda. Cada aña universidad tin fluho di 130 graduado, di cual esaki por varia pero den e ultimo añanan esaki ta e nivel.

Ta premira cu e aña venidero e cantidad di graduado lo ta asina, pero a caso si esaki ta asina ta spera di e sosten di comunidad por medio di Gobierno, nan pa haya suficiente medio pa desaroyo un estudio nobo. Tecnologia ta cambiando mundo y universidad mester prepara hende mas miho, con nan ta maneha e cambio aki rib’e tereno di tecnologia.

 

Glen Thode a gradici e staf di universidad cu a prepara p’e apertura di aña academico.

Pero tambe e comunidad di Aruba cu ta sostene e universidad. E empleadonan ta haci posibel p’e trabounan aki, sin lubida rib’e confiansa cu comunidad tin cu universidad.

Top