Red Cross goes Bollywood

Cruz Cora Aruba diamars, 4 di april ultimo a anuncia durante un cocktail party su fundraiser anual cu lo tuma lugar riba diasabra, 10 di juni proximo.

E fundraiser e aña aki lo ta uno mas special cu tur aña, ya cu e organisacion humanitario ta celebrando tambe 60 aña di existencia.

 

E evento aki ta tuma lugar na Aruba Surfside Marina di 8’or te 1’or. P’e ocasion special aki, Robert y su Solo Banda Show y Megateca Metropolis lo entretene cu tremendo musica.

Manera semper, Cruz Cora Aruba ta scoge su tema p’e evento aki tur aña y no ta pone como dresscode, pero ta gusta pa tur hende ta na gusto y esun cu gusta por ta creativo cu su look.

E tema Bollywood ta un bunita concepto pa luci hopi colornan bibo bunita, ya cu esey t’e motibo pa e tema.

 

Manera tur aña, Cruz Cora Aruba ta conta cu sponsors di biña cu lo tin un mesa cu diferente producto pa tasting. E aña aki e sponsors aki ta: Romar Trading, Playa Liquor, Arion Wine Company, Manrique Capriles y Hodgson Trading.

Cruz Cora Aruba kier gradici e companianan aki pa nan sosten y entusiasmo di semper.

Tur cu kier aporta n’e trabou di Cruz Cora Aruba lo por haci esaki cu compra di tickets p’e fundraising party.

 

Lo tin hopi doorprizes atractivo cu lo wordo anuncia despues. Por pasa na oficina di Cruz Cora Aruba pa tickets durante ora di trabou.

Por reserva libremente na info@redcrossaruba.com of tel. 582-2219. Tambe serca miembronan di directiva por cumpra tickets.

Top