Red Machine a empata play-off serie 2-2

E campeonato di Powerade Play-off Series di Amateur Baseball Bond y Powerade a continua diamars anochi. E anochi aki tabata un sorpresa pa tur fanatico di ATCO Indians, despues cu e Red Machine a sorprende nan y a bay cu e victoria di 7-3.

 

Den e di cuater wega di POWERADE Play-off Final AA Red Machine a bay cu e victoria riba ATCO Indians. E wega a termina 7-3 y esey ta pone cu e serie ta empata na 2-2.

Red Machine a bay cu e victoria di 7-3 den e play-off final.

 

Powerade Player of the Game a bay pe pitcher ganado Richinell Matos di Red Machine.

Matos, kende a subi monticulo cu e deseo di bay cu e victoria. Matos a bay henter e ruta y a laga 3 careda a base di bola y despues no a permiti mas careda. Pitcher perdedo tabata Jerold Martijn.

 

Prome cu e wega a inicia diamars anochi, Clyde Harms, Richard Simon y Hubert “Yubi” Toppenberg a tira e prome balanan di wega. Clyde Harms, kende ta un baluarte di 88 aña y ta miembro honorario di ABBA, ta e prome persona cu a bin cu Baseball Little League pa Aruba. Harms, Simon y Toppenberg a firma balanan como recuerdo pero tambe a ricibi un recuerdo di e campeonato. E wega ta continua diahuebs anochi pa 7:45 na Nadi Croes/Crismo Angela Ballpark.

 

Powerade ta invita tur hende pa sigui e weganan aki y yega veld pa apoya Bo team preferi.

Leave a Reply

Top