Red Machine ta pasa p’e gran final di nos baseball AA

Diabierna ultimo den un wega dramatico, Red Machine ta sweep e equipo hoben di Rockets Freezone den e Powerade Play-off Series Pool B 3-0.

E partido mes a termina 9-8 den un tremendo see-saw affair caminda ambos equipo tabata entre-cambia bentaha den e partido.

Na final, den di 7 inning Red Machine ta comeback dor medio di un homerun grandisimo di Jair Thompson, kende porcierto cu a sali e Powerade Player of the Game.

 

Mester remarce cu maske e series tabata un sweep, e partidonan tabata hopi close cu score di 5-3, 8-5 y 9-8. Pues, un pabien tambe ta bay n’e equipo di Rockets Freezone cu a bataya hopi den e series aki.

Na final di dia, esaki kiermen cu Red Machine un biaha mas ta den final di nos baseball AA pa di 6 biaha e decada aki so.

Red Machine, conoci como Marlboro anteriormente, tin e record di mas campeon nos baseball AA, y ta lidera pa Jair Thompson, Julio Hernandez, Chris Williams, Nathan Berkel, Darwin Escobar, Enrique Tromp, Derward Ruiz, Roderick Simon, Filbert Thiel, y Richinell Matos.

 

Red Machine ta wardando su contrincante p’e play-off final ainda, pero for di awor ta invita tur fanatico di Red Machine/ Marlboro y amantenan di bon baseball p’e prome wega di nos baseball final diabierna awor 31 di maart na Stadion Nadi Croes/ Crismo Angela pa 7:45PM.  Chuuu Chuuuu

Marlboro Sport Club ta un asociacion di deporte funda 10 di april 1959. E asociacion tin como meta pa promove y haci practica di diferente ramonan di deporte, ademas promociona relajacion adecuado y entretenimento pa su miembronan.

 

Top