ReD ta desbarata e ponencia di Parlamentario encuanto esnan cu partido apunta como Minister

Recientemente Parlamentario di AVP, sr. Robert Candelaria, a declara cu ReD cu no a cumpli cu e promesa cu esnan riba lista no por ta Minister.

ReD, cu ta para pa integridad kier a informa, no solamente sr. Candelaria, pero tur otro cu tin interes pa sa, cu Art. 20.5 a wordo elimina for di ReD su statuto for di 24 di october 2009, despues di eleccion cu e partido a perde su unico asiento.

 

ReD ta sigui para pa un gobernacion di experto cu nan ta cataloga como un ‘Zakenkabinet’.

Esey, for di 2009 no ta nifica mas cu un persona cu ta posee di e estudio, experticio riba lista no lo por bira Minister, cual sin duda ta e caso di dr. Armando (Rudy) Lampe.
Como un partido cu si ta transparente, ReD ta publica e resumen di Secretario di partido di 31 di october 2011, cu a cubri e periodo di 2009-2010-2011.
Loke si ReD ta mantene ta cu e bos di pueblo mester keda representa den Parlamento, den e caso aki pa medio di sr. Ricardo Croes cu 3359 voto, y no manera sr. Candelaria su lider cu si a bandona su 8000 votonan y no a bay Parlamento.
Falta di integridad ta ora bo partido laga un hoben cu casi 1000 voto for di Parlamento y ta hinca un cu 175 si aden.

 

Leave a Reply

Top