Reino Hulandes ainda ta riba lista Mericano pa cu labamento di placa, Aruba keto bay menciona den e operacion aki

Aruba, Corsou, St. Maarten y Hulanda keto bay ta ser menciona como paisnan cu ainda ta laba placa di droga. Departamento di Estado Mericano siman pasa a publica su raport: Major Money Laundering Countries.

No ta prome biaha cu e paisnan aki ta menciona, pasobra den pasado a menciona e paisnan aki caba.

Labamento di placa ta keda un menasa serio, cu ta ser domina dor di organisacionnan criminal internacional cu ta busca tur sistema pa haci nan placa limpi.

 

Maske nomber di Aruba ta menciona, State Department ta reconoce cu Aruba ta colabora grandemente den combatimento di trafico di droga. Hecho ta cu labamento di placa ta relata na ganashi haci cu benta di droga, y e forma di money laundering aki ta tuma lugar via compra di di propiedad manera casnan luhoso, auto, prenda etc.

 

Corsou ta ser considera di ta den un situacion mas serio cu Aruba, ya cu Corsou ta ser considera e puerto di transito di droga. Departamento di Estado no por keda sin menciona dos nomber di sospechosonan fuerte, cu ta Gerrit Schotte y Abraham dos Santos.

 

 

Top