Relaciona cu celebracion di nos Dia Nacional, clientenan a ricibi dushi “treat” na Post Aruba N.V.

 

 

Como un forma pa yama clientenan danki pa nan sosten henter aña y tambe pa celebra un momento asina importante den nos historia, Post Aruba N.V. a celebra nos Dia di Himno y Bandera, decorando e interior di e edificio cu bandera p’asina clientenan por sinti e celebracion andando.

 

Na mes momento tur cu a drenta pa sea busca un paki, pa manda un paki, cumpra stampia of pa post un carta, a haya un oportunidad pa tuma un cos dushi manera chuculati pinda, bolo, driguidek, cupcake, dulce de leche, cocada, pan dushi y hopi mas. Di bebe por a scoge entre te y juice pa baha tur e cos dushi nan cu tabatin.

Di e forma aki Post Aruba N.V., cu sin duda tambe a hunga un rol crucial den desaroyo di nos pais e ultimo 31 añanan di nos Status Aparte, tambe a celebra e hecho historico aki.

Top