Relaciona cu Dialuna di Carnaval: Adaptacion di Serlimar den horario y rutanan residencial

En coneccion cu e weekend di Carnaval 63, gerencia di Serlimar ta avisa publico en general di e siguiente adaptacionnan:

*Rutanan Residencial: Mirando cu e dia oficial di fiesta lo ta riba un dialuna, esaki ta nifica cu tur ruta residencial lo ser recogi un dia despues di e dia fiho di recoge, esta:

Rutanan di dialuna (Carnaval’s maandag) lo ser recogi riba diamars, 28 di februari.

Rutanan di diamars, lo ser recogi riba diarazon, 1 di maart; Rutanan di diarazon lo ser recogi riba diahuebs, 2 di maart; Rutanan di diahuebs lo ser recogi riba diabierna, 3 maart y Rutanan di diabierna lo ser recogi riba diasabra 4 maart.

Entrante dialuna 6 maart, lo asumi e schedule normal atrobe.

 

Parkietenbos Weegbrug y Containerpark

Tanto e Weegbrug y como tambe e containerpark na Parkietenbos lo ta operando, según e siguiente schedule adapta: Diasabra 25 februari:  Di 7’or di mainta te 12’or di merdia; diadomingo, 26 di februari: di 8’0r di mainta te 12’or di merdia y dialuna, 27 februari, lo ta sera.

Lo asumi operacionnan atrobe riba diamars 28 di februari.

 

Pa mas informacion, comunica libremente cu nos na 524-5080. Serlimar ta desea comunidad di Aruba un Carnaval felis, sano y sigur.

Top