Resultado di cualificacion Hubenil pa weganan ABC na Bonaire

Den e weekend tras di lomba, a tuma luga den Centro di Bario Noord weganan di dam di cualificacion pa saca e representante di Aruba pa bay Bonaire pa e weganan di dam ABC.

Pa participa, e hungador hubenil no mester tin mas cu 16 aña.

 

Un total di 7 hoben a participa na e weganan di cualificacion. Na prome luga a termina Angel Reinoso. Angel a gana tur su weganan.

Na di dos luga, Patrick Williams. Patrick a gana 4 wega y a perde 2.

Na tercer luga tabatin un empate entre Alan Suarez y Darrick Harms. Tur dos, tin 3 gana y 3 perdi. Despues di un wega extra entre nan dos, Darrick a resulta e ganador y a termina na di 3 luga.

 

Cu e resultado aki, e hoben Angel Reinoso a clasifica pa bay Bonaire pa participa na e ABC-toernooi. Esaki lo tuma luga den e weekend di 19, 20 y 21 di mei venidero.

Hopi exito na Angel pa representa Aruba na Bonaire.

Top