Resultado di e team di Aruba na President’s Cup na Las Vegas – Zahyon Klaber a perde den ultimo seconde pa por a gana un medaya

Den ultimo fin di siman a tuma lugar na Las Vegas President’s Cup unda cu Joshua Klabér y Záhyon Klabér a participa.

Jourdé Klabér a coach tur dos atleta. Jourde Klabér mester a registra na World Taekwondo Federation como coach y na Las Vegas mester a atende e curso di coach p’asina por a bin na remarca pa certifica su mes pa eentonan di G1 y G2 pa por coach cualkier atleta.

 

Dia pa dia tin cambionan cu ta bin den e bringamento di Taekwondo unda cu esaki ta wordo adopta cada biaha unda cu no tin un contesta riba te unda esaki lo yega. Manera un pregunta cu a bin pa dilanti t’e unda of te con halto bo por hisa bo pia prome cu bo haña un straf punt.

 

Diasabra Joshua Klabér tabata den un poule di 13 bringador unda cu Joshua Klaber a bringa contra di Jordan Guerrero for di Merca. Joshua Klaber a duna mas di su banda, pero no tabata suficiente pa por a logra gana unda cu a wordo derota cu un score di 10-4.

Diadomingo tabata turno di Záhyon Klabér, kende tabata premira su mes riba e poduim. Záhyon Klabér tabata den un poule di 20 atleta unda cu Záhyon Klabér su prome pelea a bay contra di Adrian Rocha for di Merca. Un pelea cu a bay nek y nek den puntonan te cu mester a bay te sudden death, unda cu Záhyon KLabér a score prome y por a sigi p’e siguiente pelea.

 

Den di dos pelea Záhyon Klabér a topa cu Kelvin Tran for di Merca unda cu e pelea

aki a bay te cu sudden death unda cu Záhyon Klabér a bolbe score prome y logra gana e pelea pa por a sigi pa medaya di Brons.

Záhyon Klabér a topa cu e Candees Sherif Hassan unda cu Záhyon Klabér tabata determina pa su medaya. Den e prome rond Záhyon Klabér a coy bentaha cu un score di 4-0.

 

Den e rond aki, Záhyon Klabér a keda dilanti cu un score di 7-4. Den di 3er y ultimo rond Záhyon Klabér tabata ganado te n’e ultimo seconde unda cu cos a bay robez cu

Záhyon Klabér cu no por mas y wordo derota cu un score di 11-9.

Un Záhyon Klabér hopi desapunta di a perde su medaya y mester a keda satisfecho cu su derota.

 

Jourdé Klabér a keda contento di por a coach pa su prome biaha den un evento di G2.

Awor lo tuma un descanso chikito p’asina cuminsa prepara bek pa Open USA cu ta un G2 na februari 2018.

 

 

 

 

 

 

Leave a Reply

Top