Resultado di weganan di basketball pa 12 di maart 2017

Nos a ranca sali cu nos division di mas jong cual ta nos division di Mini (U12). Den e prome wega aki a topa cu otro e muchanan di Ecotech Stealers Thunderstorm contra Ecotech Stealers Green machine. E chikitin nan aki a haci un tremendo trabou.

Green machine aunke tabata un tiki mas chikito cu e muchanan di Thunderstorm a haci todo por todo pa por a wanta e muchanan di Thunderstorm. Na final e wega a bin termina 44-8 na fabor di e muchanan di Ecotech Stealers Thunderstorms.

 

Despues di e wega di Mini nos a sigui cu e division di Pasarella. Aki e muchanan di Ecotech Stealers a topa cu e muchanan di Impact Bandits. E wega aki tabata uno hopi cayente y cu hopi emocion den dj’e. Constantemente cu e score Hopi cerca di otro hasta na cierto momento e score tabata igual. Na final e muchanan di Impact Bandits a logra gana cu e score di 42-37.

 

Despues di e dos tremendo divisionnan aki nos a sigui cu e hobennan di e division di Cadet caminda e team di Double Happy Stealers a topa cu e team di Estrella Frico Lions.

E hobennan aki despues di basta tempo tabata hot hot pa topa otro despues di e delaster campeonato aña pasa. E wega a cuminsa basta igual cual ta puntuacion.

 

Despues di e tercer quarter, e team di Double Happy Stealers a bay Dilanti cu un score di 53-22. E hobennan di Estrella Frico Lions a sigui lucha te na final pa por trece e score mas cerca posibel. Na final e wega a bin termina cu e score di 66-29 pa e team di Double Happy Stealers.

 

Pa termina e dia cu tabata Hopi exitoso nos por a mira e wega di e Junioren nan di Estrella Frico Lions contra di Essoheights Playground Impact Junioren. E wega aki tabata uno di show.

Tabata raining 3-pointers y tabatin show di dunk. E hobenan aki a entretene e fans completamente cu un wega riba un speed bastante halto Frigo Lions a purba tene e score basta cerca, pero na final e hobennan di IMPAK a bin gana e wega cu un score di 75-43 na nan fabor.

Top