Riba su ruta pa Hulanda – Zr. Ms. Zeeland a pone un paro na transporte di droga

Tabata e Dash-8, e avion maritimo pa patruya di Guardacosta di Caribe Hulandes (KWCARIB) a detecta den e anochi di dia 29 october, durante un patruya un ‘go-fast’ sospechoso na noord-oost di Bonaire.

E fregata di Marina Hulandes, Zr. Ms. Zeeland, cu tabata riba su ruta pa bolbe Hulanda for di Caribe pa pasa e trabao over n’e fregata de West, a recibi e noticia for di Centro di Coordinacion y Rescate (RCC) di KWCARIB na  Corsou pa tuma over e go-fast sospechoso aki.

 

Zeeland a cambia su curso y a bay n’e sitio indica unda a bin haya e go-fast cu 3 miembro di tripulacion. Zeeland inmediatamente a duna ordo p’e NH-90 helikopter lanta y asina a pone di biaha e dos interceptors den funcion.

NH-90 a los algun tiro di advertencia riba e ‘go-fast’ pa obligu’e di para.

 

E miembronan di tripulante a ser poni bordo di Zeeland, pero a dicidi tambe di tira e motornan di e go-fast y asina lagu’e pasa pa pasado.

Den e accion di busqueda a bin haya 12 bulto di droga pa un total di 600 kilogram di cocaina, cu e miembronan di tripulacion a trata di benta afo.

Mientras cu a bay over na detene e personal, a confisca tur e bultonan di droga.

 

Como cu e ‘go-fast’ no ta sirbi mas pa nabega a dicidi di zink’e. Despues di tur esaki, Zr. Ms. Zeeland a hay’e ta bolbe Corsou, pa baha e sospechosonan y pa entrega e bultonan di droga na autoridadnan hudicial pa sigui cu e investigacion. Unabes cu a cumpli cu esaki, Zr. Ms. Zeeland a bolbe cambia curso y sali di regreso pa Hulanda.

 

Leave a Reply

Top