Richard Webb a baha cu pensioen na Caribbean Palm Village Resort

Richard Webb, un carpintero cu ta forma parti di e resort su ekipo di maintenance na Caribbean Palm Village Resort, a disfruta di un fiesta di pensioen, cu presencia di su colega y amigonan.

Richard Webb a cuminsa traha n’e resort dia 22 di september, 2003, y a pasa hopi ora durante e ultimo 14 añanan ta drecha cos y contribui diligentemente n’e operacion suave di e resort, ya cu semper el a haci e extra esfuerso denter di su departamento.

 

Na su celebracion di pensioen, su “follow-up” y lealtad a wordo elogia hopi pa miembronan di gerencia, kendenan lo sinti falta di su yegada tempran n’e propiedad y su boluntad y colaboracion exitoso cu su coleganan.

“Nos lo kier bisa danki,” tabata e palabranan di Astrid Muller, Gerente General interino, “for di e mas profundo di nos curazon, y nos kier desea bo un pensioen feliz y dibertido.”

 

Discursonan cortico, muestranan di aprecio y regalonan di despedida a haci Richard su fiesta sumamente special, y sigur nan lo sinti su falta n’e resort, pero e tempo liber cu ta sperando Richard ta bon mereci.

 

Leave a Reply

Top