Rick Ross ta cla pa tembla Bushiri Beach Arena

E furia cu Aruba y nos region ta den pa e di 7 Flip Flop Festival e fin di siman aki ta inmenso. For di Corsou, Boneiro, Sint Maarten y Merca tin hopi persona cu a confirma nan presencia.

 

Naturalmente Aruba representa cu miles di hende tambe ta ansioso pa e dia yega.

Un di e artistanan cu mas fanatico ta “Rick Ross”, miho conoci como ‘The Biggest Boss in the Rap Game’. Ross lo ta yegando Aruba cu su musiconan pa duna Aruba un presentacion nunca bisto. Esaki lo ta su prome biaha den concierto rib’e isla di Aruba y riba Aruba su beachnan estelar.

 

E album cu Ross a debuta cu ne na 2006 tabata “Hustlin”. E exito aki tabata ilustra e banda scur di Miami. Ross su nomber mes ta William Roberts y a crece na Florida. Artistana cu a influenci e tabata Luther Campbell, Notorius B.I.G. y otronan.

Ross a bira hopi conoci durante un problema grandi cu e bira publico entre su persona y e director di Bad Boy Records y Sean “P. Diddy” Combs. Despues di esaki e conocido rapper Jay Z a firma Ross na e casa disquera Def Jam.

 

Ross a colabora cu artistanan manera Jay-Z, Drake, Mary-J Blige, Kanye West, Erykah Badu, John Legend, Chris Brown, Cee-Lo Green, T.I. y Future.

Algun siman pasa Rick Ross tabata nomina tambe pa un Grammy Award pa e exito hunto cu e productor Skrillex. Esaki tabata pa e cancion ‘Purple Lambhourgini’ cual a kibra varios record rond mundo.

 

Hunto Rick Ross lo presenta tambe Morgan Heritagan, Konshens, Shermanology y hopi mas.

 

E festival mes ta cuminsa diabierna anochi den E Motions Nightclub cu e opening party unda lo tin presentacion di Shermanology for di Hulanda y varios DJ local y internacional.

Diasabra lo ta e concierto mes riba Bushiri Beach Arena y diadomingo lo tin e Chill Down Pool party na Rennaissance Hotel cu DJ Outkast y algun sorpresa internacional. Ainda por cumpra ticket general y standing vip ya cu mesanan VIP ta bendi.

 

Por cumpra ticket na Chill Logo Store situa den Renaissance Market Place dilanti Seaport Cinemas, Citgo Palm Beach, Citgo Boulevard, Citgo Santa Cruz y Citgo Essoville.

Top