Robin-Ann Didder di Partido POR, e Forsa Nobo: Pabien na tur alumno, mayor y docente cu nan esfuerso henter aña

Enseñansa ta un parti esencial den nos bida, den bida hende por kita tur cos for di bo pero bo diploma no. Robin-Ann Didder di Partido POR, e Forsa Nobo ta felicita tur alumnonan cu e aña aki a slaag y tin nan diploma den nan man, esnan cu no a gradua e aña aki no perde speransa haci bo best miho pa otro aña escolar.

Mon Plaisir College 90%, Filomena College 86%, Ceque College 84%, Juliana School 80%, Colegio San Agustin 72%, La Salle College 71%, Maria College 70%, John Wesley  College 70%, Colegio San Antonio 59% y Abraham de Veerschool cu 39 %.

Un pabien na tur alumno, pero tambe na tur docente y mayor cu durante di henter aña a sa di apoya y sostene e hobennan pa nan a logra caba nan estudio y por tin nan diploma den nan man.

 

Sinembargo si mester mira e porcentahe nan cu cada scol a haya, esnan cu a haya mas abao cu e otronan no ta significa cu e scol a “score malo”, ta depende di diferente factor.

  1. e. Cuanto alumno ta den examen klas. Bo no por compera e porcentahe di un MAVO scol chikito cu un MAVO scol grandi;

Ki tipo di alumno e scol ta tuma,ta conose cu tin MAVO scol cu ta filtra nan muchanan pa dentra nan scol;

Ki tipo di docente e scol tin, si nan ta dedica of no, si nan ta bay “e extra mile pa e mucha”;

Con dedica e alumno e/o mayornan mes ta. Tin mas factor, mi lo lag’e te aki.

 

Tin un dicho: “Many are call and few are chosen”. Pa tur situacion tin un solucion, si enberdad bo tin enseñansa y e alumnonan na pecho. Bo mester stima, tin e pasion, mester deferencia entre e alumnonan. Corda bon riba un mal dia na scol, abo ta esun cu tin duna les na e alumno.

E rasonan cu un cabesante of docente por menciona pa defente nan porcentahe tambe ta hunga un rol.

 

Pa sigura un porcentahe mester evalua tur aña cua alumno ta prepara pa haci examen ora nan bai over di klas 3 na klas 4 (CA-1 na CA-2).

E docente cu lo bai e extra mile si of no. Si tin docente cu ta bay e extra mile y nan ta logra, nan no ta warda pa haya appel di oro. Nan tin nan mesun macuto cu nan appel na final di aña.

Nan ta e docente cu sa cu e cifra cu e alumno a haya ta parti di nan dedicacion como docente. Nan si ta wak cu e ta un “teamwork”, e appel putri ta un combinacion di (alumno-directie-docente-mayor), mester saca nan afo. Si un scol faya, mester por wak unda nos a faya como un team y no bisa; e mucha no a haci su best, ta un “teameffort” ban evuala y ban p’e otro aña NOS POR LOGRA (MAS) MIHO.

 

Si tin problema social, mester traha riba esaki, akinan e zorgteam conhuntamente cu scolteam, alumno y mayor tin cu traha hunto como un team.

Robin-Ann Didder di Patrido POR, e Forsa Nobo ta kere ta importante cu pa den futuro lo ta bon pa pone tur e scolnan chikito y e scolnan grandi separa, asina tambe por mira e factornan cu ta hunga un rol pa tin un slagings persantage miho, E scolnan cu ta filtra si of no, e scolnan cu “no tin” problema social apart, pa asina por mira e diferencia di porcentahe, asina ta haya un resultado mas sano, segun Robin-Ann Didder di partido POR.

 

Pabien na tur scol y pa tur alumnonan cu a slaag. Awor ta un siguiente stap den bo bida, esnan cu ta sigui studia tur cos bon cu nan siguiente estudio y esnan cu ta subi mercado laboral corda cu awor cu bo ta di un edad jong ta e oportunidad pa sigui logra diferente meta, aunke cu bo ta traha semper haci un studio na banda of cursonan cu bo por sigui desaroya y logra bo meta.

Partido POR den su plan di accion tin enseñansa na pecho y conhuntamente por sigui motiva docentenan, pa ta e lider di cada mucha cu ta den nan klas. Vota POR pa un miho futuro di enseñansa pa Aruba completo.

Leave a Reply

Top