Robin-Ann Didder Partido POR, E Plataforma Forsa Nobo” Aruba mester por brinda nos studiantenan e posibilidad di diversificacion di estudio den MBO y HBO opleiding

No ta un secreto cu Aruba tin diferente edificio cu tabata fungi como edificio pa scolnan pa basta aña. Awendia por mira nan como un ruina rond di nos isla siendo cu algo otro por a keda haci. Actualmente Aruba tin un scarsedad di edificio, y partido POR lo bay traha riba esaki debidamente.

 

Tambe Robin-Ann Didder ta kere cu tin un otro parti unda cu mester busca un edificio pa scolnan efectivo. Scol ta keda central den un bida di un mucha y hoben. Si nos kier mehora nos pais nos mester cuminsa cu enseñansa y e parti social cu tambe ta hopi importante pa nos muchanan tin un mente sano pa por studia y logra nan meta den bida.

 

Pa Robin-Ann Didder loke ta importante cu partido POR den su plan vision 17-21 ta para pe, ta pa busca un solucion pa mira con por brinda studiantenan mas oportunidad pa sigui nan estudio na Aruba. Actualmente tin hopi mucha ta studia den exterior, esaki sigur ta di aplaudi, pero e realidad ta cu e debe di e hobennan na momento cu nan caba cu nan estudio ta hopi halto.

Den e caso aki hasta tin hobennan cu no ta logra haya un trabao mesora cu un salario halto cu nan por traha, paga nan debe di estudio y biba di dje.

 

“Mi persona, Robin-Ann Didder, candidato number 14 riba lista di POR, ta kere cu Aruba mester por brinda nos studiantenan e posibilidad di diversificacion di estudio den MBO y HBO opleiding. Di e manera aki por minimalisa e gasto di e mayornan y e hoben na momento cu nan mester sigui nan estudio den un nivel halto.”

Leave a Reply

Top