Robin-Ann Didder, Plataforma Politico POR, E Forsa Nobo: Enseñansa y parti social emocional di nos hobennan mester cana riba un solo liña

Aruba tin mester di un cambio, un cambio real p’e comunidad di Aruba mira progreso pa nan mes y nan futuro generacion.

Pesey Robin- Ann Didder a scoge pa subi lista politico di Plataforma Politico POR p’e por brinda pueblo e mihor posibilidad di drecha unda cu no ta cana bon.

Manera cu el a keda lansa oficialmente riba POR, e Forsa Nobo hopi t’e reaccionnan positivo cu su persona a ricibi.

 

Segun Robin-Ann Laverne Didder, naci na Aruba 1966, a bay Don Bosco School, Pieter Boer School, Abraham de Veer School y Colegio Arubano.

Despues cu a termina su estudio na Aruba el a bay Hulanda y el a termina su estudio di Chemisch Analist y despues el a termina su estudio como docente di dos grado den quimica. Despues cu el a termina su estudio el a bay biba y traha na Corsou como docente na Maris Stella School (BVO/MBO) y despues na Regina Pacis (BVO).

 

Na 1999 el a bin Aruba y traha como docente y actualmente e ta Director suplente na O.A.A Middag MAVO y e ta haci e trabao aki cu hopi amor.

Mirando su experiencia na Hulanda, Corsou y Aruba e tin un bista amplio di loke ta enseñansa general, pero den transcurso di aña el a tuma nota cu e pasion pa yuda nos muchanan na scol a crece mas den e parti social emocional di nos hobennan.

El a haya un pasion den e parti di asuntonan social cu ta tuma lugar na scol.

 

Pesey na momento cu el a haya e oportunidad pa ta parti di e cuido na scol el a tuma e reto aki, egun Robin Ann Didder a sigui splica.

Nos hobennan ta nos futuro, e futuro di nos Aruba. Banda di e trabao cu e ta haci como Director suplente Didder tin e parti di coordina e cuido di nos hobennan na scol.

Sinembargo tin hopi reto ainda cu por drecha. E no a mira esaki solamente na scol, pero tambe den e plataforma profesional.

 

Robin-Ann Didder ta riba lista di POR, cu confiansa e por logra haci cambio pa mehoracion di nos hobennan aki na Aruba.

“Hunto nos ta logra yega n’e calidad di enseñansa y alabes re-enforsa e calidad di bida social den varios cas aki na Aruba.

Sin laga afo nos docentenan tambe mester di atencion debido, pasobra sin nos docentenan nos no por crea hobennan talentoso pa carga nos dushi Aruba”, segun Robin Ann Didder.

Leave a Reply

Top