Robin-Ann Didder: Un politico cu vision y mision unda e hende ta importante

Un politico ta traha pa su pais y su pueblo, esaki ta bo candidato rib’e lista di POR, Robin-Ann Didder, un politico cu su prioridad, ta cu e persona ta na prome luga.

Enseñansa ta den crisis esaki mester di su atencion y mi ta sigur cu cierto componentenan den enseñansa mester wordo cambia, pa nos por wak mehoracion.

Tin cambio na short- y longterm den enseñsa cu tin cu tuma luga. Enseñansa no ta un fast return investment e lo tuma su tempo, pero si nos traha cu nos nanishi den e mesun direccion hunto nos lo logra.

 

Tin diferente punto cu mester traha riba dj’e y cu tin atencion di partido POR.

Introduci Papiamento como idioma di instruccion den e prome klasnan di scol basico.

Atencion pa nos muchanan den enseñansa special y e cuido di muchanan den creche.

Oportunidad pa docente desaroya nan mes y implementa esaki na scol.

Inverti y percura pa material necesario di enseñansa (digitalisa enseñansa).

Mehora y revisa curiculum di cada tipo di scol y crea mas scol multilingual.

Encurasha y trece oportunidad pa nos studiante logra nan diploma.

Crea mas oportunidad pa MBO y HBO na Aruba.

Inverti den infrastructura di scolnan cu a keda atras bashi como monumento.

Campaña general pa muchanan ta mas activo den, deporte, arte y cultura.

Enfoca pa scolnan ta mas saludabel y traha riba siguridad paden y pafo di scol.

Atencion pa ley di Leerplicht.

Colaboracion entre directiva di scolnan, inspeccion, examenbureau y directie onderwijs.

 

Esaki ta algun puntonan cu mester di atencion pa por cuminsa pone hunto e piedranan necesario pa cuminsa cana e caminda pa cuminsa drecha enseñansa en general, Didder ta splica.

 

Sin embargo, no ta un partido of un Minister so por logra e meta aki pero tur esnan cu ta forma parti di e organo den enseñansa. Hunto y cu e sosten di e mandatario por logra e meta pa un miho organo di enseñansa y alabes ta crea muchanan, hobennan y adultonan di nivel cu Aruba tin mester pa sigui carga pais Aruba.

 

Cu bo sosten den mi persona como educadora mi lo t’ey pa traha hunto cu bo pa nos Aruba. Trabou ta cuminsa despues di e eleccion y lo mi mustra cu bo voto no a bay perdi, Didder ta sigura na final.

Top