Rona Coster a celebra 25 aña como un columnista cu un buki unico

Diarazon dia 15 di maart ultimo, durante un evento festivo na Arubiana, e anexo di nos Biblioteca Nacional, a marca e lansamento di e buki titula: Island Life, Aruba’s Best-Kept Diary, un seleccion di articulonan skirbi pa Rona Coster entre 1992 y 2004. E prome bukinan a wordo entrega na Padu Lampe, e tata di Aruba su cultura, y Astrid Britten, Directora di Biblioteca Nacional Aruba, den presencia di mas o menos 100 invitado special.

E buki di 200 pagina y kaft duro ta sumamente atractivo y ta duna e impresion di un dagboek of diario, marcando Rona Coster su di 25 aniversario como un columnista riba e isla.

 

“Niun hende a mantene un diario di e isla pa un cuartal di siglo asina consistente manera Rona Coster”, Karin Swiers, e buki su redactor y publicador a remarca.

“Loke a cuminsa como un columna semanal riba e bida di nos isla a crece pa bira un archivo unico y precioso, documentando e isla su top añanan di desaroyo.

Pa preserva e informacion balioso aki tocante e bida di isla cu continuamente a mira cambionan den transcurso di e ultimo decadanan, y pa reconoce e personanan influencial cu a yuda construi y fortalece Aruba su economia, mi kier a publica e buki aki.

 

P’esnan cu tabata parti di historia por corda e dianan ey y p’e siguiente generacionnan y Aruba su bishitantenan por siña tocante nos isla su tradicion, movemento y contribuidornan balioso.”

E columna a aparece p’e prome biaha bou di e titulo di Island Life na 1992 den The News, un corant local skirbi na Ingles.

E columnanan di Island Life tabata presenta hopi hecho y tabatin un tono hopi fuerte di educacion. Marcando su di 25 aniversario, e columna a bira parti di Aruba su historia y memoria colectivo.

 

Na 2004 Rona Coster a ricibi e Premio di Journalism CTC for di e Caribbean Tourism Organization pa su contribucionnan y logronan respetable den periodismo.

E buki Island Life, Aruba’s Best-Kept Diary, ta obtenible pa cumpra na tiendanan di buki local.

Tocante e autor: Rona Coster a cuminsa su carera na Aruba como un ehecutivo di mercadeo y a produci un columna semanal di 1992 – 2015, cu despues a bira un columna diario riba internet.

 

E t’e Director Gerente di Marketing Plus, co-fundador di Aruba su revista di estilo di bida Island Temptations y co-presentador di e show di radio 96.5% Pika na MagicFM. E t’e creador di 8 AM Buzz BatiBleki, un columna diario riba media social y obtenible como un App riba ambos plataforma di iPhone y Android platforms, bou di e nomber di App: Bati Bleki.

Leave a Reply

Top