Rotaract Club of Aruba unbes mas presente na Fiesta Rotaria cu stand bon surti

Rotary Club of Aruba lo ta organisando su feria anual, esta e famoso Fiesta Rotaria. Esaki ta bay tuma lugar diadomingo 2 di april 2017.

Rotaract Club of Aruba tambe lo ta presente un biaha mas cu su stand “Aruba Delight”.

N’e stand “Aruba Delight” bishitantenan di e feria lo por cumpra snacks conoci riba nos isla, manera e.o. pastechi, kroket, sanger yena, pan cu sate, pan cu hamburger, sin laga afo e dushi sopi carni y sopi oester.

Tambe lo ta bay tin un gran variedad di dushi bolo y otro cos dushinan.

 

Pa kita sed, Rotaract su stand lo tin pa ofrece nos famoso batido di fruta fresco, awa di lamoenchi y coffee.

Manera tur aña, Fiesta Rotaria t’e evento mas grandi unda Rotaract Club of Aruba ta recauda fondo. E fondonan recauda durante Fiesta Rotoria ta haci posibel pa por realisa proyectonan cu ta beneficia nos comunidad.

Cada aña e fondonan ta destina na proyectonan manera “Back to School” unda cu ta brinda un grupo di mucha un dia educativo y ameno prome cu scol habri na augustus, hunto cu tur material necesario pa cuminsa e aña escolar bon prepara.

 

Tambe pa proyectonan manera “Un P’ami, Un P’e” unda cu nos miembronan, cu ayudo di comunidad, ta colecta un gran cantidad di comestible y ta parti esaki na nos grandinan di SABA of un organisacion den comunidad.

Sin laga afo proyectonan manera Pasa Pret cu Rotaract, unda Rotaract ta crea un feria pa nos muchanan, y tambe e famoso seminario You Inc., unda Rotaract ta trece speakers international pa nos comunidad.

 

Rotaract Club of Aruba kier invita un y tur pa pasa diadomingo awor, 2 di april 2017, n’e parking lot di Stadion Guillermo Trinidad di 10 di mainta pa 6 or di atardi, unda por pasa un dia ameno cu famia y alabes disfruta di e dushi surtido cu “Aruba Delight” tin pa ofrece.

Top