Safecom comand center ta sigui Curso Excelencia den Servicio

Recientemente, un grupo di empleado di Command Center di Safecom a finalisa e curso “Service Enthusiam and Improvement”. Servicio na cliente ta un di e aspectonan mas importante den nos trabou diario, sr. Eldrick Cabral ta enfatisa, tur cos ta e focus riba nos clientenan y nan seguridad.

 

Awendia servicio na cliente ta faya dor cu empleadonan NO ta wordo getrained, con pa responde na necesidadnan di e cliente. Pensa bo mes cuanto biaha ora cu bo drenta un establecimento hopi no tin e conocemento di e producto cu nan ta bende ni e desencia di lanta cara y bisa bon dia.

Servicio na cliente ta nifica pa bo ta presente pa esunnan rond di bo y no na manda text via di bo telefon of haci manera bo ta hopi druk ora cu e cliente acerca bo.

Pa segura cu tur e empleadonan di Commanda Center ta consciente di e servicio cu nan mester duna na e cliente sra. Irïelle Cabral a organisa conhuntamente cu B & P Interface un curso Excelencia den Servicio.

 

E curso tabata bou guia di sr. Carlos Albertus di B & P Interface Training y durante di e curso a wordo trata e diferente aspectonan cu tin di haci cu un bon servicio y con pa tene tanto e cliente interno como e cliente externo satisfecho.

Esnan cu a ricibi nan certificado for di man di sra. Irïelle Cabral  ta: Pastora Danies, Amy Roos, Shantal Stephens, Grace Martinus, Johnny Luidens, Xiomara Pieternella, Roland Geerman, Casiano Schwengle, Kevin Lake y Andrea Maduro. Un palabra di felicitacion ta bay na tur cu a finalisa e curso cu exito.

Top