Santa Rosa cu presentacion en conexion cu Hinmo y Bandera

 

Ta un custumber cu tur aña Departamento di Agricultura, Cria y Pesca Santa Rosa ta wordo invita dor di diferente scol basico pa por duna presentacion en conexion cu nan celebracion di Hinmo y Bandera. Esaki semper ta tuma lugar den e siman net prome cu e fecha di celebracion di Dia Nacional.

 

Hopi ta e scolnan cu ta acerca nos departamento pa cumpli cu tal peticion pero den mayoria caso esaki ta tuma lugar riba esun fecha di cual nos ta haya nos mes ta cancela cierto peticionnan y duna prioridad na esun cu a solicita prome.

Den mayoria caso e presentacionnan aki ta ful dia y ta bay den manera di carousel. Cada klas ta haya un oportunidad di 10 minuut pa mira e presentacion. Esaki ta for di mainta te cu merdia pa tur mucha cu ta bishita e scol di 1ste te cu 6de klas.

 

Un bishita a wordo haci na scol Santa Filomena na Pos Chikito di parti di Santa Rosa pa duna un presentacion na e alumnona en conexion cu celebracion di Himno y Bandera. Manera semper e tipo di presetacionnan aki ta wordo haci pa Ludwig Rasmijn y Randy Maduro.

Tema di e presentacion tabata Mulina di Biento y Pos di Awa Dushi. Pakico esakinan ta wordo uza y con Aruba tabata haya awa prome cu binimento di nos compania estatal cu WEB ARUBA NV. Den e presetacion aki e muchahnan por a mira y conoce poco di Aruba su historia di plantacion. E pakico tambe tabata uza awa di Dam.

 

Un otro scol cu tambe a wordo bishita pa duna un presentacion tabata Colegio Sagrado Curason na Savaneta di cual nos a uza e mesun tema pa e alumnonnan aki. Asina durante dia tur alumno cu ta bista e scolnan ariba menciona por a haya diferente informacion p’asina nan por tin un idea con e uzo Pos di Awa dushi y Awa di Dam tabata y ta wordo uza.

 

Nos di Santa Rosa ta sumamente contento cu e invitacion di e dos scolnan aki p’asina nos por a forma parti di nan celebracion di Himno y Bandera.

Top