Segun Alan Howell (POR): Mi ta contento cu San Nicolas ta habri y cla pa cambio

Segun Alan Howell, bishitando casnan, scuchando pueblo riba caya y especialmente nos hobennan, no tin duda cu pueblo ta habri y cla pa un cambio. Pueblo ta cla tambe pa duna sanger fresco un oportunidad pa trece cambio pa mehoracion pa nos pais.

Logicamente tin cosnan bon cu Gobierno a cumpli cu ne pero sigur tin hopi cos mas cu por bay hopi mas miho. Ta ey Alan Howell, kier concentra riba dj’e.

 

Proyectonan na bienestar general, mehora bida social di nos hendenan y muy especial nos Pensionadonan y mamanan hoben soltera cu yiu, seya un super representante pa nos hoben nan y pa e deportistanan cu ta sclama pa e atencion debido.

Howell a bisa, “Si nos hendenan sa cu hopi cos por miho aki na Aruba, ban p’e, paso hunto nos por haci Aruba miho.”

 

Alan Howell ta cla pa trece cambionan grandi den husticia pa cu Aruba riba nivel politico, Parlamento y Gobierno.

Ademas, Howell kier a adverti pueblo lo siguiente, “Pa Aruba sali di e gara di criminalidad existente, pueblo lo mester tira bista riba, y vota dia 22 di september proximo pa un persona cu tin amplio experencia den combati criminalidad y ta dispuesto pa haci e cu man duro.

Si esaki no pasa, Aruba lo ta den problema serio. Nos Cuerpo Policial di Aruba ta campeon, pero pa Cuerpo Policial gana e bataya aki e mester di un motor V8 su tras.”

 

E motor V8 ey ta Alan Howell cu ta dispuesto pa trece e trankilidad aki bek na nivel politico y di Gobierno. “Together we can make it better. The small man for the people and the people for the small man.”

Top