Segun fraccion di MEP: AVP y CAFT ta fiesta mientras pueblo ta sufri

Ultimo dianan parlamentarionan di AVP ta di fiesta cu e ultimo veredicto di CAFT. Segun e AVP-istanan CAFT kiermen cu nan a saca Aruba di e crisis financiero. Y p’esey AVP y CAFT ta di fiesta mientras pueblo ta sufri.

 

Locual AVP ta purbando aki ta manipulacion marca mayor. Pasobra den historia di nos pais no tabata tin ningun Gobierno cu a suta pueblo cu mas medida cu AVP!

E peliger pa AVP ta cu mas y mas hende ta bira lomba pa e partido pasobra nan a realisa cu AVP ta un partido gañador y manipulador.

 

Ta p’esey e encuestanan ta mustra cu AVP tin apenas 8 asiento na e momentonan aki, pasobra ciudadanonan na Aruba ta realisa cu AVP no ta conecta mas na e realidad den nos pais.

Ta importanta pa pueblo no lubida hamas cuanto medida AVP a introduci, p’asina ora nan drenta pueblo fiestando cu nan a drecha e crisis financiero, pa tur ciudadano corda cu ta riba lomba di pueblo nan a haci esaki. Nan a crea e crisis financiero pa nan fiesta, pa nan biaha, pa nan nombra mas Minister y centenares di coordinador, y despues nan a suta pueblo cu medida. Esakinan ta apenas algun di e medidanan.

 

Aumento di prima di AZV 1 di januari 2011 cu 2%;

Aumento di prima di AOV 1 di januari 2011;

Prima adicional di pensioen obligatorio 1 januari 2012 1% pa trahador y doño di trabou;

Corta den derecho di pensioen di empleado publico;

Aumento di suma pa pasa staats examen;

Aumento di tarifa di inkomstenbelasting y loonbelasting entrante 2012;

Aumento di grondbelasting 1 di januari 2012 cu 15% di e balornan di propiedadnan;

Aumento di prima di pensioen obligatorio 1 di januari 2013;

Aumento di prima di AOV cu 2%;

Aumento di edad di AOV pa 65 aña entrante 1-1-2015 (reparti den periodo di 10 aña);

Aumento di tarifa di inkomsten- y loonbelasting entrante 1-1-2014;

Aumento di tarifa reduci pa 25% riba pakete di retiro;

Aumento di prima di pensioen obligatorio 1 di januari 2014;

Introduccion di Healthtax 1% aumento di BBO te 2.5%;

Cobransa pa recoge sushi;

Aumento di vast recht y tarifa di coriente;

Aumento di schoolgeld di SKOA;

Introduccion di koersmarge vergoeding;

Introduccion di cobransa pa PARKEER METER;

Aumento di Health Tax cu 1% mas/ aumento di BBO te 3.5%;

Aumento di accijns riba serbes, wisky y sigaria;

Aumento di derecho di importacion riba cerbes y biña;

Cobramento di taxistanan na aeropuerto;

Room tax a aumenta di 6% pa 9%, y aumento pa “All Inclusive”;

Time share tax;

“Vlieg tax” di 10 dollar pa AAA N.V.;

Introduccion di car rental tax entrante 1-1-2014;

Financial transfer tax y ABB den preparacion.

Top