Segun resumen di Relato Mensual di januari 2017 Banco Central ta informa cu reserve di divisa netto a subi

Den e luna di januari 2017, e cantidad di placa den circulacion a subi cu Afl. 38.8 miyon te na Afl. 4.205,3 miyon, compara cu december 2016. Esaki a wordo causa dor di un crecemento den e reserva di divisa netto (+Afl. 58,7 miyon) y un bahada den e activo domestico netto (-Afl. 19,8 miyon).

 

E subida den e reserva di divisa netto di e sector bancario ta debi na compra netto di divisa for di public (+Afl. 243,9 miyon), principalmente relaciona cu turismo.

Esaki a wordo parcialmente mitiga pa benta netto di divisa na publico (-Afl. 185.3 miyon), primordialmente relaciona cu pago netto pa importacion di mercancia y otro servicionan.

 

E reduccion den e activo domestico netto a surgi dor di un bahada den tanto credito domestico (-Afl. 13,3 miyon) y transaccionnan no relata na credito (-Afl.6,5 miyon).

E ultimo a wordo causa principalmente dor di un subida den e asina jama “allocated loan loss provisions” y transaccionan di clearing.

 

Credito domestico a disminui, como resultado di bahadanan den credito bancario netto n’e sector publico (-Afl. 8,2 miyon) y credito bancario n’e sector priva (-Afl. 5,1 miyon).

E caida den credito bancario netto na sector publico ta relaciona principalmenta cu un subida den depositonan di Gobierno (+Afl. 10,6 miyon).

E bahada den credito n’e sector priva a resulta for di menos credito na consumidor (-Afl. 3,6 miyon), credito na empresa (-Afl. 0,8 miyon) y hipoteca pa vivienda (-Afl. 0,8 miyon).

Top